Rama: shërbimi shëndetësor do modernizohet, do të futet inteligjenca artificiale në trajtimin e pacientëve
Kryeministri Edi Rama, i shoqëruar nga ministrja e Shëndetësisë dhe Mirëqenies Sociale Evis Sala, zhvilloi një vizitë në Qendra Spitalore Universitare Nënë Tereza në Tiranë, ku u takua me mjekë, infermierë dhe pacientë.
Gjatë vizitës, kryeministri theksoi se sistemi shëndetësor shqiptar do të vijojë procesin e modernizimit, duke përfshirë edhe përdorimin e inteligjencës artificiale në diagnostikim dhe trajtimin e pacientëve. Sipas tij, kjo do të sjellë rritje të cilësisë së shërbimit dhe eficiencë më të madhe në kujdesin shëndetësor.
Rama nënvizoi gjithashtu se në buxhet është parashikuar kapacitet për rimbursimin e rreth 400 pacientëve, ndërsa transformimi i QSUT-së do të vazhdojë edhe në vitet në vijim. Një tjetër fokus i rëndësishëm, sipas kryeministrit, mbetet përmirësimi i kushteve për stafin mjekësor.
“Do të vazhdojmë rritjen e pagave për mjekët dhe infermierët, si dhe do të aplikojmë indeksimin e pagës mbi bazën e vjetërsisë në punë. Kjo do të vlejë për të gjithë stafin shëndetësor,” u shpreh Rama.
Në përfundim, ai theksoi se edhe viti i ardhshëm do të shënojë përmirësime cilësore në shërbimin shëndetësor, duke uruar personelin mjekësor dhe familjet e tyre për një fundvit sa më të gëzuar dhe një vit të ri më të mbarë.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
