Qytetari ankohet në Saranda Web: Nuk e kuptoj pse na sorollasin në Kadastrën e Sarandës
Një qytetar i Sarandës, Ziso Kote, ka ngritur shqetësimin e tij në Saranda Web për një çështje pronësore që prej më shumë se dy dekadash mbetet e pazgjidhur. Sipas tij, pavarësisht se trualli që ai ka blerë në vitin 1996 është hipotekuar që në atë kohë, sot ai nuk arrin të pajiset me certifikatën e pronësisë.
“Kam mbi 20 vjet që merrem me Kadastrën e Sarandës për një truall të blerë në vitin 1996 dhe të hipotekuar në atë vit. Sot, pas disa aplikimeve, ende nuk na japin certifikatën e pronësisë. Pse na sorollasin, nuk e kuptoj,” shprehet ai.
Rasti i Ziso Kotes nuk është i vetmi në Sarandë, ku shumë qytetarë përballen me vonesa të gjata dhe procedura të komplikuara për të marrë dokumentet e pronësisë së tyre. Ky shqetësim ngre pikëpyetje të mëdha mbi funksionimin e Kadastrës dhe trajtimin e qytetarëve që kërkojnë thjesht të gëzojnë të drejtat e tyre ligjore.
Saranda Web i bën thirrje institucioneve përgjegjëse të reagojnë për këtë problem dhe të japin një zgjidhje konkrete për qytetarët që presin me vite të tëra një dokument që u takon me ligj.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
