Qytetarë dhe biznese në Sarandë kanë paralajmëruar fillimin e protesteve kundër vazhdimit të punimeve përgjatë sezonit veror në Bulevard.
Ata kanë paralajmëruar një protestë nesër në orën në 11:00
Saranda Web ka mësuar se hapi i parë i protestës së nesërme do të jetë kërkesa për ndërprerjen e punimeve, madje duke vendosur edhe afat kohor.
Sipas informacioneve, protesta nuk do të ndalet deri në pezullimin e punimeve.
Organizatorët paralajmërojnë se nëse nuk ndalohen punimet, ata do të kalojnë në veprime duke bllokuar punimet dhe duke hapur bulevardin për këmbësorët.
Nga ana e kryetarit të Bashkisë Adrian Gurma më herët ishte premtuar se Bulevardi do të ishte i aksesueshëm për këmbësorlt në fillimin e sezonit turistik, por që më pas është deklaruar se Bulevardi gjatë kësaj vere do të vijojë të mbetet një kantier punimesh.
