Kepi i Stillos, resorti turistik 12 km përgjatë bregdetit

14 Korrik 2021 07:46

Kepi i Stillos, resorti turistik 12 km përgjatë bregdetit

Kepi i Stillos, resorti turistik 12 km përgjatë bregdetit. KIS njoftoi se “Jonian Heaven”, me subjekt propozues “Jonian Heaven Group sh.p.k” parashikonte të realizonte një kompleks turistik. Resorti do të jetë me struktura akomoduese turistike, në ZK. 3831, Vrinë. Specifikisht zona e quajtur Shën Koll i Detit, ne Konispol. Sipërfaqja e saj është afërsisht 128 hektarësh.

Projekti parashikohet të ketë vlerë investimi prej afërsisht 78 (shtatëdhjetë e tetë) milione euro dhe të krijojë 443 (katërqind e dyzetë e tre) vende të reja pune.

Kompleksi i “Jonian Heaven Grup sh.p.k” është një nga disa resorte që do të ndërtohen në të gjithë vijën bregdetare prej afro 12 km dhe sipërfaqe 650 ha.

Sipërfaqja prej 650 ha është tërësisht pronë private e trashëguar, e fituar me vendim gjykate dhe e kthyer ne vendime të KKKP në vitet 1999-2000.

Projekti që prezantohet nëpërmjet videos me imazhe 3D, është një nga projektet me të bukura të bregdetit shqiptar, ja vlen ta shihni.