

Presidenti: Çdo goditje ndaj medias është agresion ndaj demokracisë


Presidenti Ilir Meta ka reaguar lidhur me paketën anti-shpifje të propozuar nga qeveria. Meta thotë se çdo goditje ndaj institucionit të medias, është sulm ndaj demokracisë ndërsa deklaron se duhet marrë në shqyrtim sugjerimet e bëra nga komuniteti i gazetarëve.
“Presidenti i Republikës Sh.T.Z Ilir Meta po ndjek me shumë vëmendje shqetësimet e thella të shprehura nga komuniteti i gazetarëve shqiptarë dhe organizatat ndërkombëtare që monitorojnë lirinë e medias në vendin tonë, lidhur me nismën ligjore “anti-shpifje” të propozuar nga qeveria.
Duke ndarë bindjen se çdo goditje ndaj institucionit të medias, është sulm ndaj demokracisë, Presidenti Meta thekson domosdoshmërinë e marrjes në shqyrtim nga ana e qeverisë, por edhe e Parlamentit, e të gjitha sugjerimeve të shprehura nga komuniteti i gazetarëve, me kujdesin dhe vëmendjen e duhur që ato meritojnë.
Presidenti Meta shpreh bindjen se angazhimi i institucioneve dhe i shoqërisë në përkrahje të lirisë së të shprehurit është tregues për demokracinë, qeverisjen e mirë dhe përgjegjësinë publike në vend.
Presidenti Meta thekson se liria e të shprehurit është e drejtë themelore e njeriut dhe shtyllë e pazëvendësueshme e jetike për një shoqërie moderne demokratike, si dhe për garantimin e llogaridhënies nga të gjitha institucionet publike.
Zbritja me 7 vende në Indeksin Botëror të Lirisë së Medias, sipas konkluzioneve të organizatës botërore të gazetarëve “Reporterët pa Kufij”;
Përfundimet e raportit vjetor të “Freedom House” se media në Shqipëri është pjesërisht e lirë;
Konkluzionet e “Misionit për lirinë e medias” të shtatë organizatave globale sipas të cilave “autoritetet shqiptare nuk po përmbushin detyrimet ndaj ligjit vendas dhe instrumenteve ndërkombëtare për të garantuar lirinë e shprehjes dhe të medias, duke theksuar se ka pasur një përkeqësim të sigurisë, kushteve të punës dhe aksesit në informacion të gazetarëve”;
Raporti paraprak i OSBE/ODIHR ku theksohej se “media të mëdha u shërbejnë si platforma lobuese pronarëve të tyre, duke vënë kështu në pikëpyetje pavarësinë e tyre editoriale dhe duke imponuar autocensurën”;
Janë këmbana të forta alarmi për gjendjen e përkeqësuar dhe tepër shqetësuese në të cilën ndodhen sot gazetarët në Shqipëri.
Presidenti Meta garanton komunitetin e gazetarëve se do të jetë përherë në mbështetje të tyre kundër çdo tentative që synon të cenojë fjalën e lirë dhe pavarësinë e medias, që rrezikon të kthejë vendin 30 vite pas.
Pa media të lirë dhe të pavarur, rruga e Shqipërisë drejt Bashkimit Europian është e pamundur”, shkruan Meta.



Na ndiqni:
Postimet e fundit

3 të arrestuar për vrasjen pas sherrit për parkimin në Sarandë
15/08/1911:13

LAJMI i FUNDIT: Kapet autori i vrasjes me thikë, ishte fshehur në një garazh
15/08/1911:13

HOTEL OLYMPIA KËRKON TË PUNËSOJË SANITARE
15/08/1911:13

Zona e Borshit pa energji elektrike. OSHEE: Kemi pësuar një avari
15/08/1911:13

Sherri për parkimin/ Goditi me thikë për vdekje 41-vjeçarin në Sarandë, shpallet në kërkim autori
15/08/1911:13

Goditet me thikë një person, humb jetën në spital. Ende i paidentifikuar
15/08/1911:13

33-vjeçari transportohet në spitalin e Sarandës, humb jetën. Mjekët: Pësoi arrest kardiak
15/08/1911:13

Radhë të gjata në zyrat e aplikimit për pasaporta, asnjë masë për përmirësimin e shërbimit
15/08/1911:13

Restorant në Shëtitore kërkon Kamarier Restoranti dhe Pjatalarëse
15/08/1911:13

Një grua humb ndjenjat në Bulevardin e Sarandës, Adrian Gurma dhe qytetarë i japin ndihmën e parë
15/08/1911:13






Rezervime

Hotel ILIO Ksamil, dhomë për çift
15/08/1911:13

Apartament 1+1
15/08/1911:13

Dhomë çift për pushime
15/08/1911:13

Dhoma Ksamil
15/08/1911:13

Vila Alvin, Apartament 1+1
15/08/1911:13
Suvenire

Luani i Butrintit gdhendur në gur, punim nga Agur Kapo
15/08/1911:13

Anija “Liburna” gdhendur në gur, punim nga Agur Kapo
15/08/1911:13

Pelikani i Butrintit – Imitim mozaiku i Butrintit, punim nga Agur Kapo
15/08/1911:13

DEA e Butrintit, punim në gur nga Agur Kapo
15/08/1911:13

Suvenire nga Saranda – Shegë
15/08/1911:13




