PORTI i SARANDES – PORT of SARANDA

18 Shkurt 2023 16:10 Nga Saranda Web

PORTI i SARANDES – PORT of SARANDA

Porti i Sarandes (Port of Saranda) është porti i vetëm që shërben në Shqipërinë jugore dhe qytetet Sarandë, Delvinë, Gjirokastër, Përmet dhe Tepelenë.

Porti është një nga atraksionet kryesore turistike në qytet, me një shëtitore të bukur, një terminal me udhëtime ditore në Korfuz për pasagjerët. I rrethuar nga restorante komode me pamje nga deti, ideale për të kaluar një ditë vere ose një mbrëmje romantike.

Porti i Sarandes

Porti Sarandes është shumë i vjetër. Ai duket sikur ka qënë aty gjithmon. Porti i Sarandës përmendet në disa shkrime të vjetra.

Ciceroni, oratori i famshëm romak, kishte në rrethinat e Butrintit mikun e tij më të afërt, Pompon Atikun. Ai e përmend, në shkrimet e tij ndalesën, në portin e Sarandës. Ciceroni ndaloi aty, duke u kthyer nga Butrinti, për në Romë.

Dijetarët e mëdhenj, e përmendin portin, si një pikë të rëndësishme tranziti, në lidhjet mes Romës dhe Greqisë. Porti i Sarandës, ka përjetuar çdo histori, që kanë kaluar këto troje.

Megjithatë, porti i Sarandës, gjithmon në cdo kohë, ka rilindur. Krijimi i Shqipërisë së pavarur, e gjeti portin e Sarandës shumë të rënuar .

Zhvillimin më të madh, ky port duket se e mori në kohën e Mbretit Zogu I.

Gjatë kohës së pushtimit Italian, qyteti dhe porti u pagëzua me emrin “Porto Eda”. Eda ishte vajza e dashur e Mussolinit, por në vitet e komunizmit, qyteti mori përsëri emrin Saranda. Në ditët e sotme porti Sarandes, ka pesuar shumë ndryshime. Me investimet e njëpasnjëshme, porti është zgjeruar shumë dhe pret e përcjellë, shumë turista e udhëtarë, ashtu siç priste dikur Ciceronin e madh,. Porti është, e do të jetë gjithmon atje, si një dëshmitar i kohrave.

Udhetime nga Porti i Sarandes

Nga Porti i Sarandës aktualisht kryhen udhëtime vetëm drejt Korfuzit. Porti pret krociera dhe jahte nga e gjithë bota, një pjesë e të cilave ankorohen në port për të kryer furnizime me karburant, ushqime dhe për të sjellë vizitorë.