Reklamë I Love Orange

Policia pranon dhunën ndaj protestuesve, hetime për plagosjen në sy të 28-vjeçarit

Policia pranon dhunën ndaj protestuesve, hetime për plagosjen në sy të 28-vjeçarit. Pezullohet një efektiv i “Shqiponjave”

Policia e Shtetit ka pranuar një rast të tejkalimit të detyrës dhe përdorimit joproporcional të forcës nga një efektiv gjatë protestës së 24 tetorit në Tiranë. Ndërkohë, kanë nisur hetimet për rrethanat në të cilat 28-vjeçari E. V. pësoi dëmtim në sy.

Sipas njoftimit zyrtar, inspektori A. K., punonjës i Forcës së Posaçme “Shqiponja”, është pezulluar nga detyra pas publikimit në media të pamjeve ku shfaqet duke shkelur parimin e proporcionalitetit. Ndaj tij, Drejtoria e Standardeve Profesionale ka nisur hetimin administrativ.

Masa ndaj efektivit vjen pasi rasti u bë publik, duke ngritur pikëpyetje mbi kontrollin e ushtruar nga drejtuesit gjatë ndërhyrjeve në terren. Në të njëjtin njoftim, Policia thekson se përpara protestës ishte kërkuar vetëpërmbajtje nga punonjësit dhe respektim i proporcionalitetit në përdorimin e forcës.

Për dëmtimin në sy të 28-vjeçarit, Policia njofton se kanë nisur veprimet hetimore nga Standardet Profesionale, ndërsa po hetojnë edhe Agjencia e Mbikëqyrjes Policore dhe Prokuroria. Njoftimi nuk sqaron se si është shkaktuar dëmtimi dhe as nëse efektivi i pezulluar ka lidhje me këtë ngjarje.

Në versionin e saj për protestën, Policia deklaron se punonjësit u sulmuan për disa orë me gurë, sende metalike, shkopinj, mjete piroteknike dhe bomba Molotov. Sipas institucionit, pesë efektivë mbetën të plagosur.

Megjithatë, këto pretendime nuk sqarojnë veprimet e punonjësve që kanë përdorur forcë ndaj qytetarëve. Pranimi i një rasti të shkeljes së proporcionalitetit kërkon zbardhjen e plotë të ndërhyrjes dhe përcaktimin e përgjegjësive.

Policia ka shprehur keqardhje për lëndimin e të riut dhe ka premtuar hetim të paanshëm. Por në njoftimin e saj ende mungojnë përgjigjet kryesore: çfarë e shkaktoi dëmtimin në sy të 28-vjeçarit, kush ishte i përfshirë dhe në çfarë rrethanash ndodhi ngjarja. Saranda Web

Reklamë për udhëtimet me autobus Sarandë–Tiranë

NDAJE ME MIQTË

NA NDIQNI

Qëndroni të lidhur me Saranda Web në rrjetet tona sociale.

POSTIMET E FUNDIT

Butrinti rikthehet te fitoret, triumfon bindshëm 3-0 ndaj Tomorit – VIDEO

Butrinti rikthehet te fitoret, triumfon bindshëm 3-0 ndaj Tomorit – VIDEO

22 Nëntor 2026 15:44
Kushte të reja për subvencionet në bujqësi, çfarë rrezikojnë fermerët

Kushte të reja për subvencionet në bujqësi, çfarë rrezikojnë fermerët

21 Nëntor 2026 19:45
I dënuar me 9 vjet burg për marrëdhënie seksuale me të mitur, ndalohet 41-vjeçari nga Delvina

I dënuar me 9 vjet burg për marrëdhënie seksuale me të mitur, ndalohet 41-vjeçari nga Delvina

21 Nëntor 2026 10:46
Butrinti pret Tomorin, Delvina përballet me Luftëtarin. Dy sfida të rëndësishme për ekipet e jugut

Butrinti pret Tomorin, Delvina përballet me Luftëtarin. Dy sfida të rëndësishme për ekipet e jugut

21 Nëntor 2026 10:15
Banorët e Ksamilit denoncojnë: “Ujësjellësi na thotë gjeni privatin që çau tubin”

Banorët e Ksamilit denoncojnë: “Ujësjellësi na thotë gjeni privatin që çau tubin”

20 Nëntor 2026 14:48
Natasha fiton betejën me OSHEE, Gjykata vendos rikthimin e energjisë elektrike – VIDEO

Natasha fiton betejën me OSHEE, Gjykata vendos rikthimin e energjisë elektrike – VIDEO

20 Nëntor 2026 13:47