Policia sekuestron 56 kg lëndë narkotike Cannabis Sattiva në një automjet !
Në pranga drejtuesi i mjetit !
Arrestohet në flagrancë shtetasi M H, 48 vjeç, banues në Sarandë.
Në fshatin Nivicë, në rrugën Krekëz-Kakome, efektivët e policisë së Sarandës kanë konstatuar një automjet tip “Ford Focus” me targa italiane, i cili drejtohej nga shtetasi i mësipërm dhe në brendësi të tij kanë gjetur disa thasë sintetikë me lëndë narkotike.
Gjatë kontrollit që iu bë këtij mjeti, u gjet një sasi me lëndë narkotike me peshë totale prej 56 kg (kilogram) e llojit Cannabis Sattiva (8 thasë), e cila u sekuestrua në cilësinë e provës materiale.
Policia ka bërë arrestimin në flagrancë të drejtuesit të mjetit shtetasit M H, për veprën penale “Prodhimi dhe shitja e narkotikëve”.
