Policia e Sarandës: Kemi arrestuar autorin e 10 vjedhjeve

Policia e Sarandës ka njoftuar kapjen dhe vënien në pranga të një 20-vjeçari, banues në Sarandë, i dyshuar si bashkautor i 10 vjedhjeve të ndodhura në Ksamil dhe Sarandë.
Policia thotë se në muajin nëntor është vënë në pranga dhe bashkëpunëtori i tij.
Ky shtetas ishte shpallur në kërkim, pasi Gjykata e Rrethit Gjyqësor Sarandë i ka caktuar masën e sigurimit personal “Arrest në burg”, për veprën penale” Vjedhja”, e kryer në bashkëpunim.

SIpas policisë, shtetasi 20-vjecar ka rezultuar si autor i 10 vjedhjeve të zbardhura dhe të dokumentuara, në Ksamil dhe Sarandë, të kryera në bashkëpunim me një shtetas tjetër (i ndaluar në datën 23.11.2020) dhe 3 shtetas të mitur të proceduar në gjendje të lirë.

Materialet iu referuan Prokurorisë, për veprime të mëtejshme.