Policia e Delvinës Arreston për Zjarrvënien në Vllahat Një 52-vjeçar me Probleme të Shëndetit Mendor.
Policia e Delvinës ka arrestuar sot një 52-vjeçar, i cili akuzohet për zjarrvënien e qëllimshme në Vllahat. Sipas familjarëve të tij, i arrestuari vuan nga probleme të shëndetit mendor dhe nuk ka asnjë lidhje me ngjarjen e zjarrvënies.
Familjarët e të arrestuarit kanë deklaruar: “Personin që kanë arrestuar e kemi pasur në shtëpi dhe në punë gjatë gjithë ditës. Zjarri ka filluar rreth orës 12:00, ndërsa ai ka qenë me ne që nga ora 11:00 deri sa zjarri ka pushuar. Pas kësaj, erdhi policia dhe e arrestoi pa asnjë provë, duke thënë se ai e ka vënë zjarrin.”
Një prej familjarëve shtoi: “Personi që është arrestuar është vëllai im. Ai nuk ka qenë fare në vendngjarje; ka qenë në shtëpi dhe më pas ka ardhur dhe ka ndejtur në dyqanin tim.”
Zjarri në Vllahat ka djegur sipërfaqe të konsiderueshme të mbjella me ullinj. U desh ndërhyrja e banorëve të zonës për të mundësuar fikjen e tij.
