Një 33 vjeçar, i cili jeton në Itali dhe ishte me pushime në Ksamil është plagosur mbrëmjen e sotme në Ksamil.
Për ngjarjen Policia ka arrestuar një 28 vjeçar nga Shkodra, i cili ishte pushues në Ksamil.
Policia njofton se nga veprimet e para hetimore rezultoi se rreth orës 20:45, në një dhomë hoteli në Ksamil, shtetasi Edison Vyzaj ka plagosur 33 vjeçarin, i cili ndodhet në spital, jashtë rrezikut për jetën.
Shërbimet e Policisë kanë gjetur e sekuestruar në cilësinë e provës materiale armën e zjarrit pistoletë.
Grupi hetimor vijon punën për zbardhjen dhe dokumentimin e plotë të rrethanave të ngjarjes.
