𝗣𝗲𝗿𝗳𝗮𝗾𝗲𝘀𝘂𝗲𝘀𝗶𝘁 𝗲 𝗨𝗷𝗲𝘀𝗷𝗲𝗹𝗹𝗲𝘀𝗶𝘁 𝗦𝗮𝗿𝗮𝗻𝗱𝗲 𝗺𝗮𝘀𝗵𝘁𝗿𝗼𝗷𝗻𝗲 𝗯𝗮𝗻𝗼𝗿𝗲𝘁 𝗲 𝗚𝗷𝗮𝘀𝗵𝘁𝗲𝘀
Tre ditë më parë, banorët që jetojnë përbri rrugës Sarandë – Vlorë në fshatin Gjashtë u organizuan për të protestuar në zyrat e ujësjellësit, duke shprehur pakënaqësinë e tyre për furnizimin e pamjaftueshëm me ujë. Sipas banorëve, ata marrin ujë vetëm 30 minuta çdo dy ditë, një sasi e papërballueshme për nevojat e tyre të përditshme.
Protesta çoi në një takim me drejtorin e ujësjellësit, i cili premtoi se çështja e ujit do të zgjidhej së shpejti. Megjithatë, sot, Saranda Web ka kontaktuar përsëri me banorët për të verifikuar nëse problemi i tyre u zgjidh dhe nëse premtimet e përfaqësuesve të ujësjellësit u mbajtën.
Fatkeqësisht, banorët kanë raportuar se situata nuk ka ndryshuar dhe se premtimet e dhëna gjatë protestës kanë qenë të rreme. Ata kanë shprehur zhgënjimin e tyre, duke theksuar se tani nuk mund të kontaktojnë as me përfaqësuesit e ujësjellësit, pasi tani nuk u hapin as telefonin.
Saranda Web do të vazhdojë të ndjekë nga afër këtë çështje dhe të informojë publikun për zhvillimet e mëtejshme, duke bërë thirrje për një zgjidhje të menjëhershme të problemit të ujit që po përballen banorët e Gjashtë.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
