PD Sarandë indiferente ndaj situatës së përmbytjeve

Megjithëse Saranda dhe zonat përreth prej 48 orësh ndodhen në një situatë të pazakontë si pasojë e përmbytjeve , nga ana e Partisë Demokratike në Sarandë nuk ka patur asnjë reagim.
Në këtë situatë ku banorët, përveç sensibilizimit të medias, kishin nevojë edhe për mbështetjen e opozitës për evidentimin dhe shkundjen e strukturave shtetërore dhe lokale për ndërhyrje  sa më të shpejtë në rastet e emergjencave apo edhe për një mbështetje qoftë edhe morale, Partia Demokratike është zhdukur.
Në faqen e saj në facebook nuk gjen asnjë rast dhe asnjë fjalë për atë që po kalojnë banorët e rrethit të Sarandës.
Duket se Partia Demokratike dalëngadalë po largohet gjithmonë e më shumë nga hallet dhe shqetësimeve të banorëve dhe kujtohet për votën e tyre vetëm ditën e zgjedhjeve, madje kur populli mendon se nuk e meritojnë votën, i etiketon si dele dhe e mallkon popullin për ta parë në ditë akoma edhe më të rënda se ditët që kaloi.