Pas ankesës së banorëve në Saranda Web, vjen reagimi i Bashkisë

Pas ankesës së banorëve në rrugën Nazif Bezhani në Saranda Web për gjendjen në të cilën ndodhej kjo rrugë në lagjen nr 1 në hyrje të Sarandës, ka ardhur edhe reagimi i Bashkisë Sarandë.
Ndërmarja e Mirëmbajtjes në këtë bashki ka ndërhyrë me mjetet e veta, duke hedhur zhavorr në rrugë për ta sjellë në një gjendje të kalueshme, ndërkohë që banorëve u është premtuar se shumë shpejt kjo rrugë do të asfaltohet.
Banorët na kanë kontaktuar përsëri, por këtë herë për të shprehur falenderimet e tyre ndaj Saranda Web dhe për pasqyrimin e problemit të tyre, i cili mori zgjidhje vetëm pas publikimit në Saranda Web.