Kryetari i ri i bashkisë Sarandë Oltion Çaçi në ditët e para të marrjes së detyrës është parë të vizitojë godinën e Eko Kampusit Universitar në Sarandë.
Godina e Eko Kampusit u ndërtua për të mundësuar uljen e numrit të nxënësve në klasa dhe për të hequr mësimin me turne, por pavarësisht se ndërtimi ka 5 vjet që ka përfunduar, ajo nuk është vënë në funksion.
Mbetet për t’u parë nëse deri në fillimin e vitit të ri shkollor do të kryhen edhe investimet e munguara dhe paisja me bazën e duhur për të qenë gati për pritjen e nxënësve.
