Nga dita e nesërme në orën 06:00 deri të dielën në mesnatë do të pezullohet edhe qarkullimi i automjeteve private në qarket Tiranë, Durrës, Shkodër, Lezhë, Elbasan, Lushnje, Fier dhe Vlorë.
Një urdhër ky drastik, i marrë ditëm e sotme nga qeveria për të parandaluar përhapjen e koronavirusit në vend, pas konfirmimit të 23 rasteve.
Të vetmet automjete që do të lëvizim do të jenë autoambulancat, automjetet që kryejnë funksione shërbimi shtetëror dhe ato që transportojnë mallra.
Duke kërkuar ndjesë për një vendim të tillë, për shkak se prek shumë mijëra qytetar, kryeministri Edi Rama thekson se e gjitha bëhet për t’i mbrojtur ato në këtë betejë me një armik të padukshëm që tashmë ka hyrë i “paftuar” në vendin tonë.
