Në tunelin e kanabisit u gjetën 656 kg kanabis, arrestohet 1, lirohen 7 punëtoret

16/12/167:33

Shperndaje:


Policia ka arrestuar në flagrancë 1 shtetas dhe ka shpallur në kërkim 1 tjetër për veprën penale “Prodhimi dhe shitja e lëndëve narkotike”.
Arrestohet shtetasi:
– G. M, 20 vjeç, banues në fshatin Metoq, Sarandë.
Shpallet në kërkim shtetasi:
– L.O., 27 vjeç, banues në Sarandë.
Procedohen në gjendje të lirë:
– 7 shtetase për veprën penale “Moskallëzim krimi”.
Sipas policisë, në bazë të informacioneve të marra në rrugë operative, Policia e Sarandës ka bërë të mundur kapjen dhe arrestimin e shtetasit G. M, i cili dyshohet se në bashkëpunim me shtetasin L.O, merreshin me përpunimin, përgatitjen dhe tharjen e një sasie me lëndë narkotike të dyshuar si Cannabis Sattiva.
Policia ka bërë kapjen në flagrancë të Gentian Muhollarit i cili tentoi të largohej me vrap, në fshatin Metoq të Sarandës, pranë një tuneli të braktisur (pa pronarë), në të cilin përpunohej dhe mbahej e fshehur lënda narkotike, e dyshuar si Cannabis Sattiva.
Gjatë kontrollit të vendit të ngjarjes, u gjet dhe u sekuestrua në cilësinë e provës materiale:
– 41 kg e 850 gramë, lëndë narkotike e dyshuar si Cannabis Sattiva, në formë boçesh
– 423 kg degë bime me gjethe dhe boçe, e dyshuar si Cannabis Sattiva
– 192 kg e 95 gramë, degë dhe gjethe në formë byku.
Sipas informacioneve, zbulimin e tunelit të drogës e kanë bërë prokurorë të Krimeve të Rënda, të cilët kanë udhëtuar në mënyrë sekrete drejt Sarandës. Prokurorët e Krimeve të Rënda, nga frika e dekonspirimit të operacionit, kanë përdorur një alibi tjetër për të çuar Policinë e Sarandës në tunelin e drogës.

 


Ndajeni me miqte:

Postimet e fundit

Hari Lena GROUP kërkon Menaxher Shitje për Sarandë
La Mar Restaurant kërkon Kamarier/e, Ndihmës Kamarier/e dhe Sanitare
Zyra Western Union Sarandë kërkon Korrier për të shpërndarë pakot
Vodhën skaf dhe gomone në Korfuz, 1 i arrestuar dhe 3 në kërkim – VIDEO
Lamtumirë Andrea Prifti – shembull humanizmi në spitalin e Sarandës
Fast Food STATION kërkon Punonjës Fast Food-i  dhe Punonjëse Pastrimi

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.