Ndërhyrje e shpejtë pas alarmit të banorëve në Saranda Web: Fiket zjarri në Markat brenda pak orësh
Pas alarmit të lëshuar nga banorët nëpërmjet Saranda Web, një zjarr i rrezikshëm që përfshiu zonën e fshatit Markat në bashkinë Konispol është vënë nën kontroll brenda disa orësh, falë një ndërhyrjeje të shpejtë dhe të koordinuar të forcave zjarrfikëse dhe ushtarake.
Në vendngjarje mbërritën forca të shumta dhe mjete zjarrfikëse nga Finiqi, Saranda dhe përforcime nga ushtria shqiptare. Gjithashtu, në operacion u përfshi edhe një helikopter që ndihmoi në shuarjen nga ajri të flakëve që kërcënonin një sipërfaqe të gjerë me vreshta dhe pemë frutore.
Fatkeqësisht, nga zjarri është djegur 10 shtëpi të pabanuara, si dhe një stan me 10 dele të cilat nuk mundën të shpëtohen në kohë. Dëmet përfshijnë gjithashtu bahçe dhe parcela me vreshta, të cilat janë përfshirë nga flakët para se të vihej zjarri nën kontroll.
Zjarri është shuar plotësisht dhe aktualisht po bëhet vlerësimi i dëmeve nga autoritetet lokale. Banorët shprehën falënderim për reagimin e shpejtë të strukturave shtetërore dhe për mbështetjen që gjetën përmes kanalit të tyre të informacionit, Saranda Web.
Ngjarja shërben si një tjetër dëshmi e rëndësisë së reagimit të shpejtë qytetar dhe bashkëpunimit mes institucioneve për të shmangur tragjedi të mundshme.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
