Është ndarë nga jeta publicisti dhe ish-kryetari i Shoqatës Antikomuniste së të Përndjekurve Politikë Nebil Çika.
Gazetari dhe publicisti i njohur Nebil Çika është ndarë nga jeta në moshën 58-vjeçare. Lajmin e trishtë e kanë bërë me dije familjarët e publicistit, të cilët përmes një mesazhi në rrjetet sociale, bëjnë të ditur se pas homazheve, trupi i pajetë do të përcillet për në banesën e fundit, në varrezat e Tufinës.
“Me hidhërim te thellë dhe me dhimbje te madhe ju lajmërojnë qe u nda nga jeta babai jone i dashur Nebil Cika. Pritjet behen pranë ambienteve te Funeral Home Parajsa, pranë Nesherakut! Mbas ores 09:00. Varrimi ne oren 14:00 ne varrezat e Tufines”, thuhet në mesazhin e familjarëve të gazetarit.
Për shumë vite ka punuar në Sarandë, ndërsa aktualisht drejtonte gazetën Minerva.
