Moti i keq vështirëson gjetjen e peshkatarit të zhdukur në Butrint

Përfundojnë pa rezultat edhe kërkimet e ditës së tretë në Liqenin e Butrintit. Forcat e Reneas, por edhe familjarë dhe miqtë e familjes Shahini ka vijuar kërkimet gjatë gjithë ditës së sotme për peshkatarin e zhdukur në Liqenin e Butrintit. Por me rënien e errësirës kërkimet për ditën e sotme janë ndërprerë, për të rifilluar përsëri nesër në mëngjes.
Policia e Sarandës nga ana e sajë,  kërkon mirëkuptimin e familjarëve të viktimës,  duke i garantuar se kërkimet do të vazhdojnë në mënyrë të pandërprerë deri në gjetjen dhe nxjerrjen e tyre nga uji.
Eduart Shahini, 48 vjeç nga Ksamili, ishte duke peshkuar së bashku me të birin Santiago, kur varka e tyre u fundos në Liqenin e Butrintit, pasi mori ujë si pasojë e dallgëve. Duke qenë se largësia nga bregu ishte e konsiderueshme dhe kushtet e motit ishin të këqija, Eduarti nuk mundi të dilte në breg.

.