Monika Kryemadhi nga Saranda: Në zgjedhjet lokale bashkë me PD

Kryetarja e Lëvizja Socialiste për Integrim, Monika Kryemadhi ka zhvilluar një takim me strukturat e partisë në qytetin e Sarandës.

Gjatë fjalës së saj, Kryemadhi preku çështjen e koalicioneve që LSI ka pasur vitet e fundit me PD-në dhe PS-në. Sipas Kryemadhit, LSI-së i është dashur që të bashkëpunojë me qeveri të ndryshme për të bërë të mundur heqjen e vizave dhe marrjen e statusit kandidat në BE.
Thonë për LSI, po kjo njëherë me PD, njëherë me PS. Pa LSI shqiptarët nuk do të lëvzinin të lirë në Bashkimin Europian. Bashkimi me PD-në i dha shansint shqiptarëve të lëvzin të lira pa viza. Pa LSI, PS-ja nuk do ta kishte të mundur marrjen e statusit kandidat në BE. Ministrja e Integrimit, Klajda Gjosha ka qënë ajo e cila ka iniciuar për të arritur marrjen e statusit kandidat për anëtar të BE-së. Sot qeveria nuk ka ministri Integrimi, dhe procesi i integrimit sa vjen dhe reduktohet, eshte shprehur Monika Kryemadhi, kryetare e LSI-së
Sa i përket zgjedhjeve të 30 Qershorit, Kryemadhi deklaroi se Lëvizja Socialiste për Integrim dhe Partia Demokratike do të dalin me kandidatë të përbashkët të frontit opozitar.
Do të hyjmë bashkarisht në zgjedhjet lokale. Ne si LSI jemi në kontakte me drejtuesit dhe strukturat. Do të zgjedhim njerëz të mirë dhe që e duan vendin e tyre dhe mbi të gjitha rininë.