Gjatë një vizite në Bashkinë e Konispolit, ministri i Energjitikës, njëherësh edhe i deleguar i PS për Qarkun Vlorë Damian Gjiknuri ka inspetuar edhe punimet që po kryhen në rrugën Shkkaë-Vrinë, rrugë e cila lidh doganën e Qafë-Botës me Parkun Arkeologjik të Butrintit.Gjiknuri është shprehur se “Kjo është një rrugë që përmbledh të gjithë ekonominë e Konispolit pasi të gjitha tokat që ajo lidh janë të mbjella me mandarina dhe dru frutorë të tjerë. Përmes këtij aksi bëhet kalimi i automjeteve që transportojnë rreth 15 mijë ton mandarina çdo vit. Investimi mbart rëndësi dhe për turizmin pasi rruga shërben si pikë lidhjeje ndërmjet doganës së Qafë-Botës dhe Parkut të Butrintit çka do të shtojë numrin e vizitorëve”.
Rruga Shkallë-Vrinë ka një gjatësi prej 6.5 km dhe parashikohet të përfundojë në 18 Maj 2017.
