Maratona e Këngës zbret sonte në Bashkinë më të varfër të vendit.Maratona e Këngës sonte do të zbresi në Konispol dhe kjo do të bëhet e mundur me kujdesin e veçantë të kryetarit të Bashkisë Konispol z. Shuaip Beqiri, sigurisht financuar nga të ardhurat e Bashkisë.
Bashkia e Konispolit është një ndër bashkitë më të vogla dhe më të varfra të vendit, e cila u krijua vetëm për të kënaqur një oreks elektoral të Shpëtim Idrizit.
Të ardhurat e kësaj bashkie sigurohen kryesisht nga tarifat e kullotave që paguajnë blektorët e zonës.
Megjithëse Konispoli dhe 13 fshatrat e kësaj bashkie kanë probleme të rënda me infrastrukturën, shkollat dhe ujin e pijshëm, këto problematika anashkalohen kur bëhet fjalë për të siguruar sponsorizime për koncerte të tilla, që në media janë akuzuar si klientë te pushtetit.
