Shirat e rrëmbyeshëm të rëna gjatë 48 orëve të kaluara kanë bërë që përrenjtë dhe lumenjtë të fryhen duke shkaktuar jo pak probleme në zonat rurale.
Në zonën e Rrëzomës, vërshimi i ujrave të përrenjve ka bërë që një prej shtyllave elektrike të rrëzohet si pasojë e gërryerjeve dhe për pasojë banorët e zonës së Rrëzomës të mbeten pa energji elektrike.
Punonjësit e OSHEE kanë punuar për orë të tëra, pavarësisht se reshjet e shiut vijonin të binin me rrëmbim për riparimin e dëmit, për rikthimin e energjisë elektrike.
