Lirohen 2 të arrestuarit te “Delvina Gas”, Prokuroria: Arrestimi ishte i paligjshëm
Delvinë, 30 korrik 2025 – Prokuroria pranë Gjykatës së Shkallës së Parë të Juridiksionit të Përgjithshëm Sarandë ka urdhëruar lirimin e menjëhershëm të dy personave të arrestuar një ditë më parë në vendburimet e gazit që shfrytëzohen nga kompania “Delvina Gas”.
Të arrestuarit janë Elton Malkaj, 31 vjeç, banues në Fier, me detyrë përgjegjës i impiantit të gazit, dhe Luan Metaj, 53 vjeç, banues në Tiranë, përgjegjës i kantierit të ndërtimit.
Ata u ndaluan nga policia me akuzat për “ndërtim të paligjshëm” dhe “pushtim të tokës publike”. Pas shqyrtimit të rrethanave, Prokuroria e Sarandës vlerësoi se arrestimi ishte i paligjshëm dhe se mungonte baza ligjore për ndalimin e tyre.
Më herët, Policia njoftoi se për të njëjtën çështje janë shpallur në kërkim pronari i subjektit “Delvina Gas”, Sokol Meqemeja, dhe administratori Juglerd Ibrahimi.
Arrestohen 2 inxhinierë, shpallen në kërkim pronari dhe administratori i Delvina Gas – VIDEO
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
