Policia ka finalizuar me sukses një Operacion të koduar “iPad-Apple”.
Kapet dhe arrestohet në flagrancë autori i disa vjedhjeve në seri, të kryera brenda një harku kohor prej 20 ditësh.
Arrestohet në flagrancë shtetasi:
E Z, 29 vjeç, banues në Sarandë.
Shërbimet e Policisë së Sarandës, kanë bërë të mundur finalizimin e këtij Operacioni, ku nëpërmjet të cilit kanë kapur dhe arrestuar në flagrancë shtetasin e lartpërmendur, në aksin rrogur të lagjes nr.4 Sarandë, (pranë stadiumit) pasi:
Gjatë një pune hetimore prej 1-muaji, Shërbimet e Policisë së Sarandës, kanë bërë zbulimin e disa ngjarjeve, kryesisht: vjedhje banesash, lokalesh dhe materialeve të tjera nëpër automjete, të cilat kanë rezultuar se janë marrë dhe përvetësuar (me qëllim shitjeje) brenda një harku kohor prej 20 ditësh, nga shtetasi: E Z.
Vjedhjet e dokumentuara, të kryera nga shtetasi i mësipërm janë:
>> Më datë 01.03.2016, në lagjen nr.1 Sarandë, ka vjedhur banesën e shtetasit: E.U. (ku ka marrë disa materiale me vlerë).
>> Më datë 01.03.2016, në lagjen nr.1 Sarandë, ka vjedhur dyqanin e shtetasit: K.Z, ku ka marrë 1-aparat celular dhe 1-iPad.
>> Më datë 02.03.2016, në lagjen nr.1 Sarandë, ka vjedhur me thyerje lokalin e shtetasit: N.K, dhe ka marrë 1-telefon, 1-televizor, 1-kompjuter, të cilat i ka shitur me qëllim përfitimi.
>> Më datë 24.02.2016, në lagjen nr.1 Sarandë, ka thyer xhamin e një automjeti në pronësi të shtetasit: K.B, dhe ka vjedhur 1-kasetofon.
Shtetasi i mësipërm dyshohet të jetë autorë i kryerjes së 3-vjedhjeve të tjera, për të cilat Policia po punon për dokumentimin e plotë të këtyre ngjarjeve (të veprës penale “Vjedhja”).
Policia ka sekuestruar në cilësinë e provës materiale:
– 3-aparatë të llojit “iPad”,
– 1-aparat celularë i llojit “HTC”,
– 2-kasetofona.
