Marrja në përdorim e shumë tokave nga kultivuesit e kanabisit ka bërë që kullotat për bagetitë të vijnë duke u pakësuar dhe kështu të lindin edhe konflikte për ato pak kullota të mbetura.
Policia njofton se gjatë ditës së djeshme ka patur 3 raste dëmtime kullotash, për të cilat janë dërguar edhe materialet në Prokurori.
Më date 8.12.2016, u referuan materialet në Prokurorinë e Rrethit Gjyqësor Vlorë, për shtetasin Gj.N,banues në Sarandë, pasi dyshohet se më datë 06.12.2016, ka dëmtuar kullotën në pronësi të shtetases M.B, banuese në fshatin Shën Vasil, Bashkia Himarë.
Më datë 08.12.2016, u referuan materialet në Prokurorinë e Rrethit Gjyqësor Vlorë, për shtetasin I.K, banues në Himarë, pasi dyshohet se më datë 07.12.2016, në fshatin Lukovë, ka zënë me forcë dhe ka dëmtuar kullotën në pronësi të shtetasit R.L, banues në Lukovë.
Më datë 08.12.2016, u referuan materialet në Prokurorinë e Rrethit Gjyqësor Vlorë, për shtetasin Dh.Q, banues në fshatin Qeparo, pasi dyshohet se më datë 07.12.2016, në Qeparo, ka dëmtuar kullotën në pronësi të shtetasit A.B.
