Ksamil – Digjet plotësisht një lokal gjatë orëve të para të mëngjesit
Një lokal me konstruksion druri në Ksamil është përfshirë nga flakët gjatë orëve të para të mëngjesit, duke u djegur plotësisht. Ngjarja ka ndodhur rreth orës 03:10, ndërsa fatmirësisht nuk raportohet për persona të lënduar.
Lokali rezulton në pronësi të Ramadan Zoto, 42 vjeç, i cili aktualisht ndodhet në paraburgim për plagosjen e dy personave më 17 korrik në Sarandë. Objekti ishte i marrë me qira nga shtetasi K. I.
Policia po vijon hetimet për të sqaruar nëse zjarri është aksidental apo i qëllimshëm.
KOMUNIKATA E POLICISË
Sarandë/ Rreth orës 03:10, në Ksamil, ka rënë zjarr dhe është djegur plotësisht një lokal me konstruksion druri, i marrë me qira nga shtetasi K. I.
Grupi hetimor po punon për zbardhjen e rrethanave të ngjarjes dhe të shkakut të rënies së zjarrit.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
