Prej mëngjesit të sotëm makineritë e kompanisë së punimeve në rrugën Kardhiq – Delvinë janë angazhuar në ndihmë të banorëve të zonës së Rrëzomës.
Rruga Fushë Vërri – Kalasë ka qenë një prej segmenteve më problematike në këtë zonë dhe me ndërmjetësimin e deputetit Alket Hyseni, firma e punime ka vendosur në dispozicion të rikonstruksionit të këtij segmenti makineritë e veta, por edhe punonjësit e kompanisë.
Segmenti Fushë Vërri – Kalasë është rikonstruksioni i dytë që kryhet nga kompania e punimeve Kardhiq – Delvinës, pas përfundimit të rrugës në hyrje të fshatit Pecë.
