Analisti Kim Mehmeti, në programin e tij të së premtes në SYRI TV, komentoi situatën në Shqipëri.
Ai tha se ka një lëvdatë për qeverinë, pas shumë kritikave.
“Mirë bëri Shqipëria që nuk i mbylli kufijtë dhe për herë të parë, Shqipëria u takonte shqiptarëve,” tha Mehmeti.
Ai më pas përshkroi udhëtimet në Shqipëri, duke theksuar disa probleme të turizmit shqiptar, duke e nisur nga hedhja e mbeturinave. Ai nënvizoi edhe një problem tjetër: privatizimin e detit.
“Nuk kanë privatizuar vetëm rërën, por kanë privatizuar edhe ujin e detit dhe e kanë ndarë me grumbuj gurësh. E gjitha kjo tregon se Shqipëria i ngjan një zonje të bukur, që burrin e ka narkoman.
Besoj se ka ardhë koha kur duhet të gjithë të kontribuojmë që kjo zonjë e bukur të jetë në duart e atyre që dinë t’ia ruajnë dhe t’ia shtojnë bukurinë. Që nuk dinë vetëm të marrin, por edhe të japin,” tha Mehmeti.
