Kapet kokainë me vlerë 6 milionë euro, 2 qentë i bëjnë ‘gjëmën’ karteleve të drogës

27/03/2519:59

Shperndaje:

Dy ngarkesa kokaine janë zbuluar nga Doganat dhe Antidroga e Greqisë së fundmi në një operacion të befasishëm.

 

Ka qenë kontrolli i kontejnerëve të deklaruar me produkte industriale dhe ekzotike ai që çoi në zbulimin e dy pjesëve të mallit të fshehur mirë dhe që u gjet vetëm fal kontrollit me pajisje me rreze X (skanerit), por edhe dy qenve antidrogë, Max dhe Kybber.

 

Kapet kokainë me vlerë 6 milionë euro, 2 qentë i bëjnë ‘gjëmën’ karteleve të drogës

 

Lajmi u konfirmua edhe nga inspektorët e AADE-së greke (Doganat), në portin e Pireut.

 

“Konkretisht, gjatë kontrolleve në doganën e 3-të të Pireut, me një mjet vetëlëvizës me rreze X, në njësitë ftohëse të kontejnerëve u zbulua një lëndë organike e dyshimtë. Në rastin e parë, pas indikacionit pozitiv nga qentë zbulues Max dhe Kyberr, pasoi një kontroll fizik”, informoi media.

 

Në kontrollin e parë u gjetën 67 pako kokainë, me peshë bruto 78 kilogramë. Vlera e kokainës së sekuestruar llogaritet në rreth 3.51 milionë euro.

 

Në rastin e dytë, gjatë kontrollit fizik nga inspektorët e doganave dhe policie helene, janë sekuestruar 47 pako kokainë, me peshë bruto 53 kilogramë dhe vlera e tyre llogaritet rreth 2.39 milionë euro.

 

Pesha totale bruto e kokainës arrin në 131 kilogramë dhe vlera e saj është 5.9 milionë euro. Hetimi është ende aktiv dhe nuk ka informacione për organizatat kriminale që po e prisnin apo destinacionet e saj.

 

Ndryshe nga herët e tjera, pakot e mbështjella me natriban nuk kanë pasur sipër tyre logo apo stampa të shënuara apo që personifikonin kode për pritësit e mallit.


Ndajeni me miqte:

Postimet e fundit

Udhëtonte drejt Sarandës, automjeti përfshihet nga flakët në Qafën e Muzinës
Rama sherr me një emigrante në Athinë: Administrata është zero! Jo, na kërkojnë në Europë
PD kërkon përjashtimin nga lista e kandidatëve, reagon Bido: Dole bllof Doktor. Shihemi në Kuvend
The Telegraph: Shqipëria mund të jetë në rrugën e shpejtë të një makthi mbiturizmi
Kryepeshkopi Joan: Fan Noli i dha gjuhën Kishës, Anastasi e ringriti! Mirënjohje për ta!
Njoftim punësimi te Restorant Rozmarinë në Sarandë

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.