Kamerat e qytetit OFF/ Plaçkitet gjatë natës së kaluar një banesë në Sarandë

Një banesë në qytetin e Sarandës ka rënë pre e grabitjes.
Ngjarja ka ndodhur gjatë natës së kaluar në Lagjen nr. 3.
Burime të Saranda Web informojnë se banesa është plaçkitur në kuptimin e plotë t[ fjalës, pasi grabitësit kanë marrë nga banesa gjithçka kanë mundur, duke filluar nga pajisje elektroshtëpiake dhe mobilje deri  dhe në orendi.

Gjatë vitit 2019 në qytetin e Sarandës u krye një investim prej 130 milionë lekë për instalimin në qytet të kamerave të sigurisë, të cilat do të mundësonin edhe uljen e rasteve të vjedhjeve.
Përveç se tenderi u zhvillua me probleme, ku fitues u shpall konkurenti i vetëm me ofertë 99.9%, kamerat në vend të monitoroheshin nga Policia, qendra e tyre e monitorimit u ngrit në ambjentet e Bashkisë Sarandë.

Ditën e djeshme një burim nga Bashkia Sarandë informoi në Saranda Web se kamerat prej shumë kohësh janë jashtë funksionit, pasi ato jo vetëm nuk regjistrojnë pamjet, por as nuk përcjellin pamje në qendrën e tyre të monitorimit, ngritur në katin e dytë të Bashkisë Sarandë.