Iu shmang llogaridhënies, Ujësjellësi thirret sërish nga Këshilli Bashkiak

Këshilli Bashkiak ka thirrur sërish drejtuesit e Ujësjellës Kanalizimeve Sarandë për llogaridhënie në lidhje me situatën e furnizimit me ujë kryesisht përgjatë sezonit të kaluar veror dhe masat që do të merren që situata e kaluar e mungesës së ujit të mos përsëritet.
Llogaridhënia ishte parashikuar të bëhej në mbledhjen e kaluar, por duke qenë se drejtuesit e Ujësjellës nuk ishin paraqitur, Këshilli Bashkiak nuk është tërhequr dhe ka kërkuar që ata të paraqiten në mbledhjen e të hënës, ora 18.00
Përvec problemit të furnizimit me ujë, pritet të diskutohet edhe situata me rrjetin e kanalizimeve, pasi në mjaft zona vihet re probleme me daljen e ujërave të zeza, ku një prej këtyre ndodhet në rrugën ku do të kalojnë këshilltarët për të shkuar në mbledhje.