Pastrimi do të kryhet nga Ndërmarrja e Bashkisë dhe po ndaj me ju disa nga pikat e garancisë së cilësisë së pastrimit:
– Krijimi i Ndërmarrjes së Pastrimit nga vetë Bashkia
– Vendosja e kontenierëve prej betoni, që zgjidh njëherë e përgjithmonë skandalin e vjedhjes së koshave.
– Zgjedhja e përgjegjësve të pastrimit për secilën zonë, të cilët do të monitorojnë çdo ditë punën e grupeve të pastrimit, e do të jenë të gjithë të barabartë përpara shpërblimit për punë të ndershme dhe përgjegjësisë në rast neglizhence.
– Organizimi i grupeve të punës në bashkëpunim me banorët e pallateve për të ndërtuar një sistem mirëmbajtjeje të çdo objekti.
Të gjitha shërbimet e lartpërmendura, të menaxhuara nga Bashkia, hapin dhjetëra vende pune në sektorin e Pastrimit dhe ulin kostot e tij.
