Identifikohet drejtuesja e automjetit, gjobitet me 450 euro
Drejtuesja e automjetit që shkaktoi aksidentin në qendër të qytetit të Sarandës është identifikuar nga policia pas kqyrjes së pamjeve të kamerave të sigurisë.
Aksidenti ndodhi në hyrje të rrugës “Skënderbeu,” ku automjeti përplasi katër vazo dekorative të vendosura anës rrugës dhe një motor të ndaluar në trotuar. Fatmirësisht, nga ngjarja nuk pati të lënduar, por automjeti u largua menjëherë nga vendngjarja pa dhënë llogari për dëmet e shkaktuara.
Pas hetimeve, policia rrugore vendosi një gjobë prej 35,000 lekësh ndaj drejtueses së mjetit për largim nga vendi i aksidentit, një shkelje e rëndë sipas rregullave të qarkullimit rrugor.
Ndërkohë, Bashkia e Sarandës aplikoi një gjobë shtesë prej 10,000 lekësh për dëmtimin e vazove dekorative që ndodhen përgjatë trotuarit.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
