Policia njofton se Komisariati i Policisë Delvinë referoi materialet në Prokurori dhe po punon për kapjen e shtetasit B. Gj., 38 vjeç, banues në Delvinë.
Shpallja në kërkim e tij u krye pasi dyshohet se ditën e djeshme, në fshatin Stjar, Delvinë, i ka vënë zjarrin një autobusi të parkuar, për motive të dobëta.
Pas shpalljes në kërkim, 38-vjeçari është paraqitur në Polici dhe ka sqaruar se nuk ka lidhje me ngjarjen dhe më pas është lënë i lirë.
Autobusi i djegur ditën e djeshme kryente linjën Delvinë – Tiranë.
Së bashku me autobusin, ditën e djeshme u dogj edhe një mjet furgon.
