GJKKO liron nga burgu zyrtarin e Urbanistikës dhe ish kreun e IKMT në Sarandë

15/09/2423:19

Shperndaje:

GJKKO liron nga burgu zyrtarin e Urbanistikës dhe ish kreun e IKMT në Sarandë

 

Gjykata e Posaçme ka liruar nga qelia ish-shefin e IKMT-së Sarandë Julian Preni dhe ish-punonjësin e Zyrës së Urbanistikës Sarandë Arjel Balani.

Ata ishin dënuar për korrupsion e ndikim të paligjshëm për një leje plazhi dhe në procedurën e ndjekur për prishjen e një godine në bregdet.

Gjykata e Posaçme në muajin qershor të këtij viti i kishte dënuar me nga 1.4 vite Balanin dhe Prenin, pasi akuzoheshin se i kishin kërkuar ryshfet Foti Dodës në lidhje me një objekt të ndërtuar në plazhin e Ksamilit.

 

Arjel Balani i ka kërkuar Foti Dodës dhe Sofia Dodës shumë prej 12.000 Euro, për të ushtruar ndikim të paligjshëm tek Agjencia Kombëtare e Bregdetit, me qëllim nxjerrjen lejes së shfrytëzimit të plazhit.

Ndërsa Julian Preni në muajin mars të vitit 2020, me detyrë në atë kohë -përgjegjës i IKMT-së, dega Sarandë, i ka kërkuar Foti Dodës 7.500 Euro, për të mos i prishur objektin që kishte ndërtuar në plazh Ksamil.

 

Pasi kanë negociuar Foti Doda i ka dhënë Julianit, shumën prej 3000 Euro. Si rrjedhojë e këtij veprimi korruptiv Foti Dodës nuk i është prishur objekti në vitin 2020, edhe pse ka pasur vendim prishje nga IKMT-ja që prej muajit Shtator të vitit 2019.


Ndajeni me miqte:

Postimet e fundit

Gjykata zbardh vendimin për atentatin ndaj Edmond Papa: 55 vite burg për autorët
ADORA’S VIEW HOTEL në Sarandë kërkon të punësojë Recepsionist
24-vjeçarja kallëzon dy burra për ngacmim dhe marrëdhënie s3ksuale pa dëshirë, gjatë pushimeve
Kompania KADIU zgjeron ekipin dhe kërkon Përfaqësues Shitjesh në Sarandë
Joelle Hotel kërkon Kamarier/e dhe Punonjëse Pastrimi
Hotel Blue Sky në Sarandë kërkon Recepsionist/e

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.