E vërteta e zhdukjes së 13-vjeçares në Sarandë dhe apeli rrënqethës i nënës
Ditën e djeshme u bë me dije denoncimi që një nënë nga Saranda kishte bërë në polici për zhdukjen e vajzës së saj. 13-vjeçarja është larguar nga shtëpia prej tre ditësh pa lënë asnjë gjurmë.
Denoncimin për zhdukjen e 13-vjeçares L.Q., e ka bërë nëna e saj, Floresha Qorri, 46 vjeçe. Sipas kallëzimit të saj në Polici, vajza e saj, nxënëse e klasës së shtatë në shkollën 9vjeçare “9 Tetori” në Sarandë, është larguar nga banesa rreth orës 16:00 të datës 2 korrik. Prindërit e të miturës janë mjaft të shqetësuar për vajzën e tyre dhe i bëjnë apel asaj të kthehet në shtëpi. Sipas Floresha Qorrit, vajza e zhdukur është fëmija i tretë i tyre, është binjake me një vajzë tjetër.
Ata kanë hedhur dyshime te 33-vjeçari nga Gramshi, i quajtur Gentian Zogu, që punonte si bari në Sarandë.
