Diçka po ndodh në Syrin e Kaltër / Policia komunikatë për arrestim dhe hetime

19/03/2411:53

Shperndaje:

Policia njofton se shërbimet e Komisariatit të Policisë Sarandë, në bashkëpunim me Seksionin për Hetimin e Krimeve Ekonomike e Financiare, bazuar në informacionet e marra se një shtetas po kryente punime ndërtimi, pa leje, në zonën e quajtur “Syri i Kaltër”, Sarandë, kanë ushtruar kontroll në zonë.

Nga kontrollet u konstatua se shtetasi H. Gj. kishte nisur të ndërtonte një objekt, në tokë publike, në parkun natyror, pa lejen e organeve kompetente, njofton Policia në komunikatë.

Në vijim të veprimeve, nga specialistët për Hetimin e Krimeve Ekonomike dhe Financiare u ndalua me iniciativë shtetasi H. Gj., 33 vjeç, banues në Sarandë.

Gjatë shoqërimit, ky shtetas ka kundërshtuar punonjësit e Policisë dhe nuk i është bindur urdhrit të tyre për kryerjen e veprimeve procedurale.

Vijon puna për përcaktimin e përgjegjësisë ligjore të punonjësve të IVMT dhe të Policisë Bashkiake Finiq, të cilët dyshohet se me mosveprimet e tyre, kanë lejuar ndërtimin e paligjshëm.

Materialet procedurale i kaluan Prokurorisë, për veprime të mëtejshme.


Ndajeni me miqte:

Postimet e fundit

Mori flakë në ecje, mjeti shpëton nga djegia falë autobotëve të ujit – VIDEO
IMT dhe Policia Bashkiake Sarandë shembin 2 ndërtime pranë Teqesë – VIDEO
Dita e shtatë e zjarreve në Finiq: Dhjetëra shtëpi, mijëra ullinj dhe vreshta të djegura
Tjetër zjarr në Lukovë, pranë kishës Shën e Premte dhe shtëpive – VIDEO
Dita e 6-të: Zjarri në Krane, Mesopotam, Livinë, Velahovë, Fitore dhe Krongj – Banorë në luftë për të shpëtuar pronat
Nga Navarica dhe Livina rreziku kaloi, flakët rrethojnë fshatrat Velahovë, Krongj dhe Dhrovjan

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.