Dështon show i ministrit Sokol Dervishaj në Sarandë.Politikanët shqiptarë, sidomos në prag të zgjedhjeve mundohen që çdo event ta shfrytëzojnë për përfitime politike.
Kështu ka ndodhur edhe gjatë ditës së sotme, ku ministri i Transporteve Sokol Dervishaj, së bashku me shpurrën e LSI-istave, ishte përgatitur të organizonte një show me rastin e ardhjes në portin e Sarandës të kruazierës turistike MSC.
Por show i ministrit Sokol Dervishaj ka pësuar një dështim të merituar, pasi anija turistike për shkak të motit nuk mundi të zbarkonte turistët e sjellë.
Dhe kjo për faktin se gjatë katër viteve që kjo ministri drejtohet nga LSI, për zgjerimin e portit të Sarandës nuk është investuar asnjë qindarkë.
Duke parë se ministri i Transporteve nuk mund të organizonte ndonjë show me prerje shiritash në rrugë sepse në Sarandë nuk është ndërtuar asnjë kilometër rrugë, ministri i hodhi sytë nga deti, por fati e la, pasi rastisi në ditë me mot të keq.
Sokol Dervishaj pak ditë më parë u shpreh se për sytë e tij nuk ka vend më të përshtatshëm se Saranda për ndërtimin e aeroportit në Jug të Shqipërisë.
Një shans për Sokol Dervishajn për të organizuar show-n e dështuar të ditës së sotme.
