Në datë 19 dhjetor, pas mbylljes së kalimit në Rrugën e Flamurit dhe vendosjes së Pemës në qendrën e qytetit, Bashkia Sarandë vendosi kalimin e mjeteve që do të dilnin nga Kodra në rrugën përpara spitalit, duke e kthyer këtë rrugë me 2 sense kalimi.
Kur kanë kaluar 40 ditë nga ky eksperiment, mund të thuhet se ky eksperiment ka dështuar plotësisht.
1- Kjo zgjidhje nuk përmirësoi qarkullimin në qytet, pasi drejtuesit e mjeteve nuk e preferojnë këtë dalje nga Saranda për faktin se Rruga e Pestë krijon vështirësi dhe bllokime të herë pas hershme si shkak i fluksit dhe parkimeve, që në shumë vende vihen re parkime dyshe, por edhe parkime në të dy anët e rrugës.
2- Mos lejimi i parkimit apo ndalimit të automjeteve në rrugën përpara spitalit sjell bllokime të qarkullit dhe kaos në rast se qoftë edhe 1 automjet ndalon për të zbritur ndonjë i sëmurë apo në rastet kur dikush del nga spitali, materniteti apo klinikat, apo në rastet kur duhet të blejë ilaçet.
3- Në jo pak raste është vënë në rrezik jeta e kalimtarëve, pasi vijat e bardha në këtë rrugë janë jashtë çdo standarti.
4- Rruga përpara spitalit nuk është ndërtuar për 2 sense kalimi dhe nuk ka gjerësinë e duhur.
Specialistët e fushës e shikojnë si të dështuar këtë ekperiment.
Problem sipas tyre në qarkullimin e mjeteve përbën parkimi i automjeteve në rrugën te shkolla 9 Tetori, pasi kjo rrugë nuk mund të funsionojë edhe si rrugë me 2 sense kalimi edhe me parkim automjetesh.
Gjithashtu specialistët shikojnë si problem parkimin e automjete përpara Bashkisë, hyrje-daljet e së cilave dhe parkimet dyshe krijojnë vonesa dhe bllokim të qarkullimit.
