Sipas deputetit të Sarandës, ekziston një bimë që kuron 170 sëmundje dhe që do të sillte përfime ekonomike për vendin. Dhe kjo është bima e kanabisit. Kokëdhima shprehet se “Në Europë tashmë njihet varianti shqiptar i kanabisit, i prodhuar nga kjo veprimtari ilegale në Shqipëri, një kanabis shqiptar që ka karakteristikat dhe vlerat e veta në treg. A keni menduar juve që ta ruani këtë vlerë dhe të liçensoni për eksport, për industrinë farmaceutike një prodhim të arsyeshëm fermerësh vendas që të paguajnë taksa dhe të zhvillojnë këtë veprimtari nën kontrollin e plotë të shtetit? A mund të rishikoni ju legjislacionin për këtë çështje? Kokëdhima argumentoi se kontrollimi me ligj i prodhimit të kanabisit duhet bërë për t’i dhënë mundësinë dhjetëra shqiptarëve të mjekohen me medikimantet që burojnë nga marijuana. Shumë deputetë, edhe pse të rezervuar, kanë mbështetur idenë e Kokëdhimës. Kryeministri Edi Rama, në daljet e tij publike, i pyetur për legalizimin e kanabisit për qëllime mjekësore, është shprehur se është një ide e parakohshme, duke mos dalë kundër propozimit të deputetit Kokëdhima.
.
