Bujar Leskaj takim në PD Sarande: Jeni në opozitë, të sillemi si opozitarë
Pas Delvinës, kordinatori politik i Partisë Demokratike dhe kryesuesi i listës së kandidatëve për deputetë të Qarkut Vlorë për Partinë Demokratike Bujar Leskaj ka zhvilluar një takim me demokratët e Sarandes.
Bujar Leskaj ka takuar fillimisht anëtarët e kryesisë së Partisë Demokratike Dega Sarande dhe pas është takuar me drejtuesit e departamenteve të kësaj dege.
Burime të Saranda Web bëjnë të ditur se Bujar Leskaj është informuar për situatën konfliktuale që mbizotëron në Degën e PD Sarande, gjendje për të cilën kordinatori Leskaj ka kërkuar nga të gjitha palët reflektim, pasi ndodhemi më pak se 5 muaj nga zgjedhjet dhe se në zgjedhje nuk mund të shkohet kështu.
Bujar Leskaj gjithashtu ka kërkuar si nga anëtarët e kryesisë, edhe nga drejtuesit e Departanteve që gjithësecili të tregojë që është në opozitë me këtë qeveri dhe me kryetarët emëruar të bashkive të 30 qershorit dhe të bëjë detyrën që i takon si opozitar.
