Mbetjet spitalore të hedhura vend e pa vend janë shndërruar pa frikë në një “bombë me sahat” për shëndetin e qytetarëve.
Pavarësisht se ekzistojnë disa kompani të licencuara nga Agjencia Kombëtare e Mjedisit, të cilat kontraktohen nga spitalet shtetërore dhe private për t’í tërhequr dhe trajtuar mbetjet në incineratorët e ngritur, realiteti është zhgënjyes, madje mjaft kaotik.
Mbetjet spitalore evidentohen lehtësisht të hedhura në koshat e mbeturinave që ndodhen në çdo rrugë apo dhe më keq akoma në vende ku nuk është përcaktuar as hedhja e mbeturinave, jo më për ato spitalore për të cilat është rreptësisht e ndaluar.
Gjatë një vëzhgimi në terren, Saranda Web ju Sjell pamje ekskluzive në qytetin e Sarandës, ku në rrugën midis spitalit Petro Nako dhe Intermedica, tek kontieneret e mbeturinave mbetje të ndryshme spitalore të hedhura jashtë koshave, që kryesisht janë shiringa, doreza apo dhe materiale të tjera që përdoren nga personeli mjekësor
