Kryetari i FRPD Sarande, Jolio Dine, ka postuar ne rrjetin social Facebook nje status ku reagon ndaj pezullimit te linjes se trageteve Sarande-Brindizi.Ja se cfare shkruan Jolio Dine:
“Ja si po i hiqen Sarandes 1 milione euro te ardhura ! Me nje vendim arbitrar te Ministrise se Transporteve, eshte vendosur perfundimisht pezullimi i linjes se shumepritur Sarande-Brindizi. Asaj qe u trumpetua me te madhe nga Bashkia, si risia e kesaj vere, duket se i erdhi fundi me “urdher nga lart”. Trageti i linjes Sarande-Brindizi, me kapacitet 822 persona dhe 140 makina, kishte programuar 14 udhetime per te sjelle turiste ne Sarande, por arriti te realizoje vetem 4. Justifikimi i Ministrise se Transporteve per kete pezullim eshte se kjo linje duhet te jete gjithevjecare dhe jo periodike. Por a e ka Saranda luksin ti thote “Stop” te ardhurave qe parashikoheshin deri ne 1 milione euro per kete sasi udhetimesh, kur dihet se edhe 1 cent shtese eshte i vlefshem ne sezon turistik?”
