Bashkia Sarandë vendim për prishjen e hotelit 20-vjeçar, pronarët: Bashkia në shërbim të mafies

Pronarët e një hoteli në Gjirin e Manastirit në Sarandë akuzojnë Bashkinë Sarandë se është vënë në shërbim të interesave mafioze, duke nxjerrë një vendim prishjeje të hotelit të tyre, në valën e aksionit të paralajmëruar nga kryeministri Rama për prishjen e ndërtimeve pa leje të ndërtuar gjatë muajve të fundot. Stavro Ballkoni, pronari i hotel Kristal, shprehet se hoteli i tyre është ndërtuar me leje ndërtimi dhe funksionon prej 20 vjetësh, është me certifikatë kategorizimi nga Ministria e Turizmit dhe taksapagues i rregullt në bashkinë Sarandë.

Stavro Ballkoni shprehet se pas këtij vendimi qëndrojnë interesa mafioze, dhe kalvari i tyre ka filluar që me revokimin e Lejes së Legalizimi dhe se pavarësisht se ka një çështje në gjykatë, Bashkia Sarandë ka nxjerrë një Urdhër Prishjeje si ndërtim pa leje pikërisht në momentin e aksionit kombëtar.

VIDEO