Barrierat në rrugë, reagimi: U vendosën për të favorizuar biznese të caktuara, të hiqen!

Ditët e fundit, në rrugën Metoq – Sarandë u vendos sinjalistikë, një veprim që ka qenë kërkesë e vazhdueshme e banorëve që jetojnë në dy krahët e rrugës në Gjashtë. Kjo masë u prit me një ndjenjë lehtësimi nga banorët lokalë që kishin kohë që kërkonin përmirësime në sigurinë e kësaj rruge.

Megjithatë, pavarësisht se u vendos sinjalistikë, kërkesa kryesore e banorëve për kalim këmbësorësh nuk u përmbush. Banorët ende ndjehen të pasigurt kur kalojnë rrugën, veçanërisht për shkak të trafikut të rënduar dhe mungesës së hapësirave të përshtatshme për kalim këmbësorësh.

Situata ka nxitur gjithashtu një reagim nga opozita, e cila ka kritikuar mënyrën e vendosjes së sinjalistikës dhe barriera në rrugë. Sipas opozitës, vendosja e barrierave është jashtë çdo standardi dhe ka qenë një veprim i bërë për të favorizuar biznese të caktuara, duke krijuar pengesa të panevojshme për banorët dhe përdoruesit e rrugës. Opozita ka kërkuar heqjen e barrierave dhe një rishikim të plotë të situatës, duke theksuar nevojën për zgjidhje të cilat plotësojnë kërkesat e sigurisë për të gjithë përdoruesit e rrugës.