Një problem shqetësues është shfaqur në lagjen Baba Rexhepi në Sarandë, ku banorët thonë se kanë mbetur pa ujë për më shumë se një javë. Një banore e shqetësuar i ka dërguar një mesazh Saranda Web, duke kërkuar që situata e rëndë të bëhet publike dhe të ngjallë reagimin e autoriteteve lokale.
Në mesazhin e saj, banorja shkruan: “Kemi një javë pa pikë ujë. Nuk e kuptoj çfarë po ndodh, por nuk vjen fare. Kemi vapë dhe s’kemi ujë të lahemi. Vijmë nga puna të djersitur dhe nuk mund të lahemi. Të lutem bëje publike këtë mesazh… u mërzitëm.”
Në kulmin e verës, kur temperaturat janë të larta dhe nevoja për ujë është më e madhe, mungesa e ujit është një shqetësim i madh për banorët e lagjes. Ata janë të detyruar të përballen me vështirësi të mëdha në përditshmërinë e tyre, duke përfshirë pamundësinë për t’u larë pas një dite të gjatë pune, që është një situatë e papranueshme në kushte të nxehtësisë së verës.
Saranda Web u bën thirrje autoriteteve përkatëse që të reagojnë menjëherë. Banorët kanë të drejtën për furnizim të rregullt me ujë dhe zgjidhja e kësaj situate duhet të jetë prioritet.
Ne do të vazhdojmë të ndjekim këtë çështje dhe të informojmë publikun për zhvillimet e mëtejshme. Shpresojmë që zëri i banorëve të dëgjohet dhe problemet e tyre të zgjidhen sa më shpejt.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
