Banorët kërkojnë ndihmë: Kuajt endacakë po shkaktojnë kaos

Banorët kërkojnë ndihmë: Kuajt endacakë po shkaktojnë kaos

Banorët e lagjes nr. 4 Kodër në Sarandë kanë ngritur shqetësimin për praninë e dy kuajve endacakë që prej disa ditësh janë parë duke lëvizur lirshëm në zonë. Sipas banorëve, kafshët po dëmtojnë lulishte dhe hapësirat e gjelbra të lagjes, duke shkaktuar jo vetëm dëme materiale, por edhe shqetësime për sigurinë.

“Kafshët po hynë në oborret e shtëpive dhe po shkatërrojnë bimët dhe lulet që ne përpiqemi t’i mbajmë me kujdes. Për më tepër, lëvizja e tyre e pakontrolluar mund të krijojë rrezik për fëmijët që luajnë në zonë,” u shpreh një banore.

Ende nuk dihet se kujt i përkasin këta kuaj, ndërsa banorët kërkojnë ndërhyrjen e autoriteteve lokale për të zgjidhur situatën. Ata sugjerojnë që kafshët të kapen dhe të transportohen në një zonë të përshtatshme, duke shmangur dëme të mëtejshme dhe rrezikun për banorët.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb