Një aksident i rëndë ka ndodhur mëngjesin e sotëm ne Gjirokastër ku një person ka humbur jetën dhe një tjetër është plagosur.
Mësohet se një furgon është përplasur me një makinë ku udhëtonte nje çift, e si pasojë ka humbur jetën gruaja ndërsa bashkëshorti është transportuar në spital në gjendje të rëndë për jetën. 
Nuk dihen ende identitetet e personave që ndodheshin brenda në makinë.
Sakaq, bëhet me dije se furgoni udhëtonte nga Saranda drejt Elbasanit. Report tv raporton se nga furgoni kanë mbetur të plagosur 6 persona të cilët janë transportuar me helikopter për në Spitalin e Traumës në Tiranë.
Ndërkohë policia ka mbërritur në vendngjarje dhe po punon për zbardhjen e plotë të rrethanave të aksidentit.
